Plantun de Prouvènço

Pèr coumpara dos planto d'encò nostre

Neotinea maculata & Elodea canadensis

Neotinea maculata

Orchidaceae

Noms en français : Orchis maculé, Neotine.

Descripcioun :
Aquéu Gau-taca fai parti dóu "nouvèu" gènre Neotinea que caup li gau emé de flour e de fueio mai pichoto e que fan d'espigo de flour toujour proun sarrado. Aquéu se recounèis à si flour pichouneto roso o un pau verdo, que de cop que i'a se duerbon pas (cleistougamo) e emé uno pichoto labreto. A la baso i'a dos o tres fueio verdalo, bèn au sòu e souvènt tacado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Neotinea
Famiho : Orchidaceae

Ordre : Asparagales

Coulour de la flour : Roso
Petalo : irreguliero
Ø (o loungour) flour : 4 à 6 mm
Flourido : Printèms

Sòu : Si (Ca)
Autour basso e auto : 0 à 1400 m
Aparado : Noun

Liò : Pelouso umido
Estànci : Termoumediterran à Coulinen
Couroulougi : Mediterrano-atlantico
Ref. sc. : Neotinea maculata (Desf.) Stearn, 1974

Eloudèio(-dóu-Canada)

Elodea canadensis

Hydrocharitaceae

Noms en français : Élodée du Canada, Peste-d'eau.

Descripcioun :
L'éloudèio-dóu-Canada, que nous vèn de l'uba de l'Americo desèmpièi 1845, trachis en coulounìo dins l'aigo tranquilo. Se recounèis à si fueio groupado pèr tres, longo de 5 à 12 mm e un pau torso vers lou bas. Au nostre, i'a soulamen de flour femello, pourtado pèr un long pecou, mistoulino, blanco e roso. Coumpara emé l'eloudèio-espesso que ié sèmblo proun, mai si fueio soun groupado pèr mai que tres (en aut di cambo).

Usanço :
Es uno planto envahissènto dins d'ùni relarg, mai pas gaire au nostre. Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 100 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Elodea
Famiho : Hydrocharitaceae

Ordre : Alismatales

Coulour de la flour : Blanco
Petalo : 3
Ø (o loungour) flour : 1,5 cm
Flourido : Printèms - Estiéu

Sòu : Ca
Autour basso e auto : 0
Aparado : Noun
Remarco : Planto envahissènto
Jun à avousT

Liò : Aigo - Lono - Roubino - Ribiero
Estànci : Termoumediterran à Mountagnard
Couroulougi : Óurigino Americo-Nord
Ref. sc. : Elodea canadensis Michx., 1803

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Neotinea maculata & Elodea canadensis

ges

Coumpara Gau(-taca) emé uno autro planto

Coumpara Eloudèio(-dóu-Canada) emé uno autro planto